Kokapena: Turkey. Deskribapena: Baset mendiaren oinean kokatutako herria ederra da, eta bertatik arroila sakon bat lautadan zabaltzen da. Herria gizateriaren historia luzearen lekuko izan diren kobazuloz beteta dago. Kobazuloen paretak margo gorriekin marraztutako giza eta animalien hainbat irudiz beterik daude, eta duela zortzimila eta hamarmila urtekoak direla uste da. Udaberriko hilabeteak iristean eta inguruko elurra urtzearen ondorioz, kobazulo honen barne eta kanpoaldean 3-4 metroko burruntzi handi hauek sortzen dira. Kobazulo honetan igaro nuen haurtzaroa. Iaz hiru lagunekin kobazulora itzuli ginen argazki bidaian, eta argazki hau atera nuenean burura etorri zitzaidan lehenengo gauza nire herria eta bertako kobazuloak mundura aurkeztea izan zen. Horregatik lehiaketan sartu nintzen. Asko poztu nintzen saria jaso nuenean. Kamera: Canon EOS 5D Mark III - Lentea: Canon 24-70mm - Apertura: f/6.3 - Abiadura: 1/250s - ISO: 320 - Distantzia fokala: 24mm
Pilot: Michael Maurer. Kokapena: Rhone glaziarreko aintzira, Valais (Suitza). Deskribapena: Pilotu onenetariko bat den Michael Maurerrekin proiektu sinestezina egin nuen. Rhone glaziarreko aintzira izoztuaren gainean behe-espiral bat egin behar izan zuen gero urertzean segurtasunez lehorreratu ahal izateko. Arazoa da lurreratze leku txiki bakarra dagoela, beraz, segurtasun arrazoiengatik itsasontzi puzgarria generaman gurekin. Goizean haizebetik jotzen zuen haizearekin manditik salto egitea beste erronka bat zen ere. Michaelek bikain menderatu zituen biak. Zirrara ikaragarria Michael eta argazkilariarentzat. Kamera: Nikon D850 - Lentea: Nikkor 105/2.8 mm - Apertura: f8 - Abiadura: 1/2500 - ISO: 320.
Kokapena: Pitztal Glacier. Deskribapena: Nire anaia bikia (Matthias Jorda irudi honetan) eta ni urtero bizpahiru aldiz gerturatzen gara neguan alpeetako glaziarretara. Nagusiki Pitztal glaziarrera goaz, hemen argazki honetan agertzen dena. Bi arrazoi nagusi ditugu horretarako. Alde batetik, honelako mundu berezi eta zoragarria kokapen bikaina delako aparteko snowboard argazkientzat eta, bestetik, are garrantzitsuago, azkar desagertzen ari den mundu hauskor hau datozen belaunaldientzako dokumentu nahi dugulako. Hau irakurtzen zaudela, dagoeneko desagertuta dago milurteko izotz kokaleku hau!! Kamera: Canon EOS 5D Mark IV - Lentea: Canon 16-35mm - Apertura: f/7.1 - Abiadura: 1/250s - ISO: 1000 - Distantzia fokala: 16mm
Kokapena: Mont Blanc, Chamonix (Frantzia). Deskribapena: Argazkia 2019ko uztailekoa da. Simone Bürgler suitzarrarekin batera Chamonix gaineko Les Drus zeharbidea eskalatzen ibili nintzen. Goizeko ordubietan jaiki ginen Charpoua aterpean. Charpoua glaziarra gauez zeharkatu genuen eta goizaldean gandorraren 3361 puntura iritsi ginen. Dena sokarik gabe eskalatu genuen azkarrago joateko. Eguna ez zen oso atsegina izan. Eguzkirik ez, haize asko... Kamera: Nikon D 7500 - Lentea: Nikol AF-S DX f/3.5-4.5 10-24 mm - Apertura: f/4 - Abiadura: 1/60s - ISO: 800 - Distantzia fokala: 10mm
Kokapena: Gastein (Austria). Deskribapena: Neguko denboraldi hau laburregia izan den arren, Sandra eta biok filmaketa politak lortzea lortu genuen Austriako Alpeetan. Egin berria zuen arrasto ederrari atzera begira zegoela atera nion aireko argazki hau aurtengo denboraldiko nire argazki gogokoena izan daiteke. Istorio bat kontatzen du (begira lerro hori!), eta zuri-beltzean ikusi nuenean sekulako zirrara nabaritu nuen. Eskiatzailea: Sandra Lahnsteiner Gasteinen, Austria. Kamera: DJI Mavic 2 Pro Drone - Apertura: f4 - Abiadura: 1/1600s - Distantzia fokala: 28mm (35mm equiv.) - ISO: 100
Kokapena: Karambony, Tsaranoro harana (Madagascar). Deskribapena: Pedro Cifuentes eskalatzailea "Tough enough?" bidea egiten Karambony-n, Tsaranoro haranean (Madagaskar). Ia 400 metroko bidea da, 8C zailtasunekoa. Horma begiratzean, sekzio bat deigarri gertatu zitzaidan, sekulako estetika eta koloretsua zena. Inguru hartan atera nahi nion argazkia eskalatzaileari, baina bidea handik urruntzen zen. Aurreko egunean, eskalatzaileari argazkiak egiten aritu nintzen soka finko batetik zintzilik negoela, baina bidearen konplexutasuna ikusita, oso mugatua negoen eta ezin nuen gustuko nuen irudia lortu. Beraz, onena drona erabiltzea zela erabaki nuen, eta hainbeste gustatu zitzaidan zonalde horretara eraman eta eskalatzaileari irudi ona ateratzen saiatu nintzen. Kamera: DJI Mavic Pro2 Drone with Kamera Hasselblad 28mm - Apertura: f/4.5 - Abiadura: 1/120s - ISO: 100
Kokapena: Dolomites (Italy). Deskribapena: 720 Proiections startup-aren lehen "Awake" kasko modeloaren argazkia ateratzeko plazerra izan nuen Italiako Dolomita mendi ederretan. Kaskoaren azken bi prototipoak besterik ez harturik, hegoaldeko Tirol, Trentino eta Véneto inguruko kokaleku ikonikoetara joan ginen. Argazki hau Cadini di Misurina mendikatearen aurrean atera genuen, Tre Cime di Lavaredo famatuarengandik minutu gutxira. Kamera: Canon 5D Mark IV - Lentea: Canon EF 24-70 f4 - Apertura: f/5.6 - Abiadura: 1/1600s - Distantzia fokala: 50mm - ISO 200 - Extras: no filter.
Kokapena: Picos de Europa, León isurialdea (Espainia). Deskribapena: 2019ko maiatzaren amaieran, Vega de Liordesetik bueltan, behe-lainoak ezustean hartu ninduen, eta Pandetrave portuko altuerara iritsi nintzenean gaua bertan igarotzea erabaki nuen, ikuspen falta zela eta. Azkenean lainoa ireki zen eta justu izarrak ikusten hasi zirenean nire itzala lainoan proiektatzen zela argazkia atera nuen. Kamera: CANON EOS 5 MARK IV - Lentea: SIGMA 14 mm 1.8, serie ART - Apertura: f/1.8 - Abiadura: 10s - ISO: 3200 - Distantzia fokala: 14mm - Extras: tripodea eta argi fokoak.
Kokapena: Namche Bazar eta Lukla arteko lehen zubia, Nepal. Deskribapena: Petr Kašpar nire lagun zuzendari eta kameralariarekin Sandstone filmean aritu nintzen duela hainbat urte, eta berriki Nepaleko Himalaiara gonbidatu ninduen baidai batean. Oraingoan Radek Jaroš eskalatzaile txekiarrari buruzko filmean lan egin zuen, Himalaiako Koroa igo zuen lehen txekiarrarena. Everesteko kanpamentu baserako bidea sinbolikoki aukeratu zuten, Radek duela hogei urte igo baitzuen Everest. KB-ra iristeko hainbat eguneko martxa bista eder ugariz betea zegoen. Halako leku ederra da Larja Dobhan ibar sakona ere, zeina soka esekiko zubiaz besterik ezin duzu zeharkatu. "Aran sakon gaineko zubia" argazkia itzulbidean hartu nuen, goizean goiz Namche-tik irten ginenean. Eguzkia posizio egokian zegoen, beraz, nahikoa izan zen zubian irudi bakarra egon arte itxarotea, baina ez zen lan erraza izan, ibilaldi hau oso jendetsua bai da. Kamera: Nikon D810A - Lentea: 24.0-70.0 mm f/2.8 - Apertura: f/18 - Abiadura: 1/160s - ISO: 200 - Distantzia fokala: 70mm
Kokapena: Rodellar, Huesca (Espainia). Deskribapena: Dani Andrada "Superforzudo Estrella" bidea udazken hasieran eskalatzen. Daniel Andrada 30 urte baino gehiago daramatza eskalatzen, eta nazioarteko erreferentzia da bai bere eskaladengatik, bai bide berriak irekitzeagatik. Bere obsesio nagusia eskalada da. Ez du komunikabideen gaineko interes berezirik (argazkiak edo bideoak), beraz, Daniren argazkiak ateratzea ia ausazko kontua bihurtzen da. Kasu honetan kontrako aldean beste bide bat igotzen ari zen beste eskalatzaile bati argazkiak ateratzen ari nintzen. Dani eskalatzen hasi zenean, buelta eman nuen eta Dani "harrapatzeko" aprobetxatu nuen unea, non eta bere atzean zuhaitzen udazken koloretsua edukitzeko zortearekin. Kamera: Canon 5D MKIII - Lentea: 70-200 - Apertura: f 3/2 - Abiadura: 1/1000s - ISO: 500
Kokapena: Ludvikov (Txekiar Errepublika). Deskribapena: Dagoeneko Ludvikov-en eskalatzen ibili naiz hainbatetan, eta beti bixitatzen dut inguruko boulder biderik onena duen sektorea: "Pistolnik". Beti galdetzen diot neure buruari ea nola atera diezaiokedan argazkia, gutxienez, arroka honek eskaintzen duen sekulako mugimendua bezain ona izateko. Orain arte ateratako argazkien emaitzekin ez nengoen pozik, baina uste dut oraingo honetan nabarmentzen den argazkia ateratzea lortu nuela. Inguruan beste bloke batzuk eskalatzen ari ginen, eguzkia mendi magal atzetik noiz sartuko zain itxoiten, zuhaitz arteko argi izpi itsugarriak sahiesteko. Pare bat saiakera egin ondoren, Annak oinak aurretik jartzeko beta itxaropentsu hau aurkitu zuen eta niretzat enkoadraketa ezin hobea zen. Flashak kokatu eta distantzia fokal luzeago bat erabiltzea erabaki nuen eszena osoa konprimitzeko eta hurbileko plano egokiagoa sortzeko. Horrek ere arreta galarazten zuten koltxonetak ezkutatuko zituen. Kamera: Canon 5D mk IV - Lentea: EF 135mm 2L - Apertura: f4.5 - Abiadura: 1/200s - ISO: 1000. Focal length: 135mm - Extrak: hiru urrutiko kontroldun flash argiak.
Kokapena: on the way to the Wildspitze, Pitztal, Tyrol (Austria). Deskribapena: Argazkia 2019ko urrian atera nuen, aurtengo lehen elurteak neguko denboraldi berria hasteko egun zoragarria eskaini zigunean. Anika eta Gunther nire lagun minekin mendira joan nintzen Wildspitze, Tirolgo mendirik garaiena, igotzeko. Gu ez beste inor eta erabateko isiltasunean. Luze gogoratuko dituzun egunak dira halakoak. Dagoeneko bi orduz geunden glaziarrean, Taschachhaus neguko gelatik hasita, goizeko izpiak poliki-poliki gure aurreko mendi gandorraren atzetik heltzen ari zirela ikusi nuenean. Momentu horretan, itzal lerroan kokapen bat bilatzen saiatu nintzen. Irudia ez da batere faltsutu. Egoera nolakoa zen erakusten besterik ez du erakusten. Agerikoa eta sinplea da irudiaren konposizioa, baina batzuetan une egokian leku egokian egotea nahikoa izaten da. 24mm-ko distantzia fokalarekin filmatu nuen ikuspegi oso zabala lortzeko. Teknikoki ISO eta apertura egokiak aurkitzen saiatu nintzen oraindik itzal ilunetan argi nahikoa lortzeko eta baita eguzki itxura ona lortzeko ere. Kamera: Canon EOS 5D III Lentea: Canon EF 24-70 mm f/2.8L II USM - Apertura: f/13 - Abiadura: 1/640 - ISO: 640 - Distantzia fokala:
Kokapena: Torrelodones, Madrid (Espainia). Deskribapena: Pietro highline zalea da, eta ilargi beteko gauean nylonezko soka gainean ibili zen. Bi harkaitzen arteko instalazioa Lapiaz mendi taldeak egin zuen, Torrelodonesen, Madriletik oso gertu. Argazkiak 500 metroko distantziara atera nituen. Plangintza ona oso garrantzitsua da. Gainera, koordinazio handia behar da eta, batez ere, talde lana. Ideia bat edukitzea... eta hori aurrera eramatea, lagunen, senideen eta bestelakoen lankidetzari eta laguntzari esker... hunkigarria handia da emaitza ikustean. Kamera: Fuji XT2 - Lentea: XT100-400 - Apertura: f5.6 Abiadura: 1/30s - ISO: 1600 - Distantzia fokala: 400mm - Extras: Tripodea eta urruneko kontrola.
Kokapena: Val d'Aran (Espainia). Deskribapena: Hainbat astez Pirinioetan elurra itxaron ondoren, azkenik "paketoi" egun zoragarriak iristen dira. Mendiak eta elur hautsak zale amorratuenen arimak betetzen dituztenean. Kirolaria: Marc Moga. Kamera: Olympus E-M1 MarkII - Lentea: Olympus Zuiko 7-14mm f/2.8 - Apertura: f6,3 - Abiadura: 1/4000s - ISO: 250 Distantzia fokala: 14mm
Kokapena: Sustenpass, Berna (Suitza). Deskribapena: Gaueko argazkia da hau, boulder eskalada mota egiten Sustenpass-en, Berna, Suitza. Thomas Adank eskalatzaileak "Comme longtain..." ibilbidea igotzen du, 8A+ zailtasunekoa. Teknika: argazkia 4 minutuko esposizioa da, bigarren gortinean 2 argi estroboskopikorekin, flash batekin aktibatuta. Konpondu beharreko arazoak: flash-aren infragorria erabiliz aktibatzea... erronka izan zen ilunpetan eskalatzen hasi behar zuen eskalatzailearekin sinkronizatzea eta posizio horretan egon behar zuela argiak pizterakoan. Kamera: Canon 5DS R - Lentea: EF16-35mm USM II - Apertura: f/6.3 - Abiadura: - ISO: 640 - Distantzia fokala: 20mm
